Ойдинга
Менга жуда зарур, жуда ҳам керак
Сенинг юзингдаги сокин ифода.
Бу тиниқ кўзларинг ҳеч қачон
Инкор этмас сенинг дудоқларингни.
Сен дунёда энг Буюк Aёл
Аёллар удумин рад этасан илк:
Кўзёшлар ўрнига, видо ўрнига
Чеҳрангдан боқади хотиржам жозиб!…
Сен яхши биласан, ойдин кўрасан
Кўксимда турнанинг кўчманчи қалби;
Сен мени қамрайсан куз осмонидай,
Кузги боғлар каби қарайсан сокин!..
1977